Pardulas
Ingredientis
Po su pillu:
500 gramus de farra
150 gramus de ollu de procu
2 ous
sali
Po s'arreprenu:
500 gramus de casu friscu (de brebei) o arrescotu
100 gramus de farra
100 gramus de tzùcuru
3 ous
1 aràngiu (su croxu tratau)
20 gramus de pabassa
tzafaranu
1 tassixedda de abardenti
Poni sa farra a funtana in sa mesa, in mesu poni s'arrùbiu de is ous e gheta unu spitzulu de sali. Amestura e aciungi abellu abellu s'ollu seu, traballa cun gana finas a otennere una pasta tostada e lissa. Lassa arreposendi assumancu mesora.
in d-una latiera poni su casu friscu (o s'arrescotu) picau fini-fini, is ous, su tzùcuru, sa farra, su croxu de aràngiu tratau, sa pabassa (amoddiadda antis in d-una tassixedda de abardenti o àcua tèbidi) e unu papereddu de tzafaranu. Amestura beni.
Sterri su pillu a finu (unus 3 millimetrus) e cun d-una tassa bogandi circus de unu 10 cemtimetrus de ampru, pesandi is orus (de 1,5 cm) e fai 4/5 bicus, strechendi su pillu is mesu de is didus. Imoi preneddus cun s'amesturu de casu, collocaddas in d-una tèlia infarrada e poneddas a coere in forru giai callenti (a 160°) po una bintina de minutus.
Serbiddas callentis e cuncordadas cun tzùcuru in pruini.