Fregula cun brodu de pisci

ingredientis po 6 personis:

1 chilu de còciula

800 gramus de lissa

400 gramus de tomatedda madura

300 gramus de macarronis curtzus

allu, cibudda, àpiu

perdusèmini, afabica

binu biancu

ollu de olia

sali e pibiri

Limpia sa lissa, bogandi conca e matza e sciacuadda. Sciacua sa còciula in àcua frisca e ponedda, in d-una cassarola, dereta in su fogu po s'oberriri.

Pica a finu duas titulas de allu paris a unu matziteddu de perdusèmini e poneddu a arrubiari in d-una cassarola lada cun mesu tassa de ollu.

Candu est allacanau aciungi sa còciula (antis bogandeddi su croxu) e sa lissa, inciundi cun d-una tassa de binu biancu e lassa sbentiari a fogu sulenu.

Bogandi sa lissa de sa cassarola e arretirandi sa lisca, partzidda a arrogheddus e torradda a ponnere a coere in sa cassarola paris a sa tomadedda spilloncada e picada a grussu, a unu cambu de àpiu intreu, a una cibudda, sali, pibiri e mesu lituru de àcua callenti.

Lassa coere po un'ora e mesu, a pustis ghetanci sa fregula e lassa coere.

Pica unas cantu follas de afabicas e cuncorda sa fregula antis de dda serbiri.