Culurgionis de casu friscu

Po 5 personis

Ingredientis

Po su pillu:

500 gramus de simbula

3 ous

sali scallau in acua tèbida

Po su reprenu:

400 gramus de casu friscu

200 gramus de eda aresti

2 ous

1 papereddu de tzafaranu

nuxi muscada

afabica

sali

Poni sa farra in sa mesa, fai unu stampi in mesu e ingunis poni is ous paris a unu tzicu de acua tèbida salia. Traballa is ingredientis finas a candu s'amesturant, a pustis cumossa po otennere una pasta lissa e cumpata. Aciungi acua tèbida, chi serbit. Fai una bòcia, imboddicadda in d-una tiallola e lassadda reposari po mesora.

Sciacua s'eda, bogandi is follas bècias o manciadas e ponedda a coi cun s'acua chi abarrat in is follas sceti po 10 minutus. Spremedda, picadda a finu e aciungedda a su casu friscu chi as aere strecau in d-una latiera, amestura beni, aciungi 2 ous, su tzafaranu, unu spitzulu de sali e unu de nuxi muscada.

Torra a pigari sa pasta, cumossadda un'àteru pagu e atèndia cun su tuturu (o cun s'aparèchiu) in pillus finis e ladus unus 10 centimetrus. In sa metadi de dònnia pillu poni nuxeddas de reprenu, lassendi unus cantu centimetrus intra de s'una e de s'àtera: indulli su pillu e amonta sa parti chi as prenu strechende cun is didus intra de una nuxedda e s'àtera e in is orus, po serrai beni. Cun d-una serreta partzi is culurgionis e poneddus in pitzus de una tialla cun farra.

Candu ddus cois in acua buddende, bogandeddus candu ndi bessint a pillu, e cundeddus cun bànnia de ghisau e casu de brebei tratau. Cuncorda su pratu innui serbis cun d-unas cantu folliteddas de afabica.