Tzipulas de trigu e patata
Ingredientis
1 chilu de farra
4/5 ous
2/3 patatas buddias e strecadas
1 papereddu de tzafaranu
mesu tassixedda de fil'e ferru
50 gramus de lievitu de birra
1 sachitu de lievitu po durcis
1 arà ngiu tratau + su sùciu
mesu lìturu de lati
sali
tzucuru
Poni sa farra in d-una scivedda, streca beni cun d-una fruchita sa patata buddia e aciungi, fai scallari su lievitu de birra in d-unu cicaroni de lati tèbidi e aciungi cussu puru, poni unu spitzuleddu de sali e cumossa.
Trata s'arà ngiu e aciungi, spremeddu e aciungi su sùciu puru. Cumossa. Aciungi su fil'e ferru e su lievitu in prùini scallau in pagu pagu lati tèbidi. Cumossa. Scalla su tzafaranu in d-un'à teru pagu de lati tèbidi e torra a cumossari. Candu is manus si ndi podint spicigari de s'impastu, ca s'est furriau lissu e elasticu, est prontu. Amonta sa scivedda cun d-un pannu de lana e lassaddu reposari po assumancu 3 oras in logu callenti. S'impastu si depet faere duas bortas tanti.
Prepara unu cicaroni ladu e bà sciu e amestura mitadi acua tèbidi e mitadi lati tèbidi, dd'as a imperari po ti inciundiri is manus intra de una tzipula e s'à tera candu ddas fries.
In d-unu pratu ladu poni paperi po aciupiri s'ollu e in d-un'ateru tzucuru po imbruscinari is tzipulas a pustis.
Candu est s'ora, poni una sartaini lada cun ollu de sèmini in su fogu e aciungi un'incodeddu de croxu de arà ngiu sicau, bogandeddu candu si furriat nieddu ca s'ollu est prontu.
(Sa patata buddia dda podis rempratzari cun 300 gramus de arrescotu o podis finas imperari is duus paris, is tzipulas bessint bonas e moddis-moddis.)
Serbiddas callentis in d-unu pratu cuncordau cun follas de arà ngiu o limoni.