Lepudrida de pisurci

Po 4 personis

Ingredientis

200 gramus de petza de procu (prupa)

100 gramus de pressutu sardu (a incodeddus grussus)

100 gramus de lardu

250 gramus de pisurci

1 cibudda arrùbia

1/2 cauli a folla

150 gramus de cicòria burda

80 gramus de casu de brebei

armidda

sali

pibiri

Fai arrubiari sa cibudda picada a finu, paris a su lardu picau cussu puru a finu, in d-una cassarola, candu si scallat aciungi su pressutu e sa petza segada a incodeddus, fai arrubiari e aciungi su pisurci. Amestura e aciungi acua buddendi finas a amontari totu is ingredientis. Fai coere a crobecu postu po mesora. Aciungi sa cicoria e su cauli sciacuaus e acapulaus, arràngia de sali e pibiri e fai coere a crobecu postu àterus 15 minutus; antis de ndi studari su fogu poni unu cambixeddu de armidda e tupa.

Serbi callenti spruinau de casu de brebei e cun fitas de pani arridau.