Arrosu a sa campidanesa
- Julia
- 30 janv. 2016
- 1 min de lecture
Po 6 personis
Ingredientis:
100 gramus de sartitzu sicau
200 gramus de petza de procu
400 gramus de arrosu
200 gramus de tomatiga madura
cibudda
40 gramus de casu de brebei tratau
tzafaranu
brodu de birduras (1 crocoriga, 1 cibudda, 1 tìtula de allu, 1 cambu de àpiu, 1 folla de lau, 1 carota, 1 tomatiga, 1 matziteddu de perdusèmini, 1 patata, pibiri, sali)
ollu de olia
sali e pibiri
1/2 tassa de vernàcia
Buddi 2 minutus sa tomatiga a pustis spilloncadda e sedatzadda. Fai arrùbiari, in d-una cassarola de terra cun 3 culleras de ollu, sa cibudda fata a fitixeddas, aciungi sa petza a incodeddus e su sartitzu picau, candu ant pigau colori aciungi sa vernàcia e lassa sbentiari; aciungi sa tomatiga, una pisca de sali, una spruinadedda de pibiri e unu papereddu de tzafaranu scallau in pagu acua tèbida. Lassa callari a fogu bàsciu.
In d-un'àtera cassarola, poni mesu tassa de ollu e fai callentari, aciungi s'arrosu, amestura finas a nd'aciupiri totu e a pustis aciungeddu a sa bànnia fata antis. Lassaddu coere 5 minutus in mesu de sa petza e aciungi brodu callenti. Acaba de coere, àterus 10 minutus, aciugendi fatu-fatu brodu callenti po no s'asciutari. antis de ndi studari su fogu aciungi su casu tratau e amestura beni. Cuncorda cun calecuna follitedda de armidda frisca e serbi in sa cassarola etotu.
コメント