Tumballa

Ingredientis

1/2 litru de lati

6 ous

6 culleras de tzùcuru

1 cicara de cafeu marigosu

1 limoni tratau

Traballa s'arrùbiu de is ous cun su tzùcuru finas a ddu furriai sprumosu e crasu. Aciungi su croxu de limoni tratau, su lati, su cafeu e amestura beni. Traballa a parti is craras de ou a nii e aciungi cussus puru amesturendi cun dilicadesa.

Betanci totu in d-una tèllia po tumballa (o chi ti praxit impera is piticheddas e ndi faes unas cantu) innui antis as postu in su fundu unu pagu de tzùcuru cotu* (faeddu in d-una sartaini cun 4 culleras de tzùcuru a fogu sulenu finas a candu si scallat e si fùrriat nieddu). Inforra a bànniumaria (bastat a prenni a mitadi sa tèllia de su forru e anci ponnere a intru su strexu cun sa tumballa) e lassa coere a 170° gradus po assumancu un'ora.

Bogandeddu e faeddu infridari mancari no siat in refrigeradori. Chi t'agradat ddu podes finas bortulari in d-unu prati antis de ddu serbiri.

*antis de ponnere su tzùcuru cotu passa sa tèllia asuta de acua frisca e lassadda inciusta

#flan #budino #tumballa #cremecaramel #dolcisardi