Cotzas cun tzafaranu

Ingredientis po 4 personis

1 chilu e mesu de cotzas

binu biancu

300 gramus de tomata

lau, armidda, perdusemini

cibudda

tzafaranu

ollu de olia

Sciacua beni is cotzas e poniddas in su fogu a s'oberrere. Scoladdas e bogandeddis su croxu (lassandeddi sceti calecunu po bisura) cola cun d-unu pannu de coxina s'àcua chi ant bogau e allogadda. Pica a finu una cibudda manna e ponedda a arrubiari in d-una cassarola cun ollu de olia, aciungi sa cotza e su suci colau e candu nci dd'at aciupiu aciungi unu tassa de binu biancu. A pustis de unu minutu piscandi unu coceroni de brodu e poneddu in d-una tassa, aciungi unu sachitu de tzafaranu, amestura e torranceddu a ghetari a sa cassarola. Amestura.

Pica sa tomatedda e aciungi cussa puru, paris a s'armidda e a una folla de lau a incodeddus. Poni pagu pagu sali e unu pibireddu pitziosu partziu in duus e lassa spaciari sa metadi de su lichidu a fogu a sulenu.

Passaus chi funt cuindixi minutus bogandi sa cassarola de su fogu, aciungeddi una mandedda de perdusemini picau, amestura e serbi callenti.