Supa de àpiu

Po 4 personis

Ingredientis:

200 gramus de pani carasau

400 gramus de àpiu

150 gramus de petza de vitellu

allu

perdusèmini

pistinaga

cibudda

1 folla de lau

pibiri de gravellu

6 arrullonis de tzinnibiri

1 pibireddu pitziosu

1 cima de menta

30 gramus de casu de brebei tratau

ollu de olia

sali, pibiri

Sciacua beni is cimas de àpiu e coeddus in acua salia buddendi po 10 minutus. Scola e alloga s'acua de cotura, afitaddu a cantus.

Pica a finu una titula de allu, una pistinaga, una cibudda e unu matziteddu de perdusèmini.

In d-una cassarola, cun duas culleras de ollu, fai indorari is erbas e aciungi sa petza de vitellu a incodeddus piticus.

Poni sali e candu sa petza at a èssere saboria aciungi s'àpiu e s'acua de cotura sua, su lau, su pibireddu pitziosu, su tzinnibiri e su pibiri de gravellu; sighi a coere e chi serbit aciungi acua buddendi.

A pustis de una mesora sterri a pillu su pani carasau fatu a arrogus, incasa e serbi luegus in sa cassarola etotu ponendi in cucuru sa cima de menta

#àpiu #supa #coxina #Sardìnnia