Sànguneddu cun pabassa

Ingredientis:

1/2 litru de sànguni de procu

150 gramus de pabassa de axina

100 gramus de tzucuru

pibiri de gravellu

1 cocerinu de cannella

1 cocerinu de matafalua

sali

Sciacua beni is longus e prepara unus cantu sachiteddus serrendi cun d-una soga a unu cabudu.

In d-una scivedda poni su sànguni de procu e amestura su tzucuru e sa pabassa. Aciungi pibiri de gravellu, cannella, matafalua e sali. Preni a mitadi is sachiteddu chi as preparau cun is longus e acapia cun d-una soga.

Poni in su fogu una pingiada prena de acua e candu buddit ghetanci is cocois de sànguni e lassa coere po una bintena de minutus; scola e lassa sfridai e a pustis segaddu a fitas e poneddu una pariga de minutus in sa braxa cun d-una cardiga opuru arrubiaddu in d-una sartaini cun cibudda o pibireddu durci e serbi.