Pudda in pingiada

Una pudda de 2 chilus

un'incodeddu de lardu

4 pilaldas de tomata

5 ous

1 cibudda

1 titula de allu

2 follas de afàbica

2 tomatas friscas

1 pistinaga

tzafaranu

nuxi muscada

pimpirilla de pani tostau

perdusèmini

Limpia sa pudda, abruschiadda po calecuna pruma e bogandeddi tzugu, peis e frisciura. Alloga figadeddu, coru e brentùlliu, pica a finu e poni a unu costau. In d-unu strexu prepara s'arreprenu. Scumbata is ous e aciungi unu sachiteddu de tzafaranu, un'incodeddu de lardu picau a finu, sa pilalda, s'afabica , s'allu e su perdusèmini picau, sa nuxi muscada tratada e unu spitzuleddu de sali. Amestura beni e aciungi sa pimpirilla de pani finas a candu s'impastu si sciutada e cun cussu preni beni sa pudda. Piga agu e filu grussu e cosi. In d-una pingiada de àcua frida poni sa pudda, unu cambu de àpiu, una folla de lau, 1 cibudda, 2 pilaldas de tomata, 2 tomatateddas friscas, sa pistinaga, calecunu cambu de perdusèmini e sali. Fai coere a fogu sulenu po 2 oras. Scola e poni in forru a acabari de arrubiari. Serbi cun is fitas de arreprenu a costau de sa petza.

Un'àtera manera est de dda lassari coere totu in pingiada (2 oras e mesu) a pustis dda scolas e dda pones in mesu de sa murta a sfridari po un'àtera pariga de oras, s'arreprenu ddu serbis che a intrada e cun su brodu coxinas una minestra.

#gallinaripiena #puddaarreprena #pollo #ricettesarde #mirto