Po primu cosa oberri is cotzas ponendiddas in d-una cassarola cun pagu pagu àcua e unu spitzulu de sali. Candu s'oberrint, bogandi su croxu e poni a unu costau. Cola s'àcua de cotura e in cui poni a coere sa gentilla (chi est sicada, antis lassadda a bàngiu po assumancu 4 oras e a pustis coe po assumancu mesora, de dònnia manera lassadda chi siat unu pagu tzicorrosa) cun sa folla de lau, chi serbit aciungi àtera àcua. Cuandu est cota, coladda e poni a unu costau.
Afita sa cibudda frisca, su pibireddu e sa tomata spilloncada e spisada.
Afita a incodeddus su prupu e amesturaddu a sa birdura afitada, a sa cotza, a su pibireddu e a sa gentilla. Cundi cun ollu ermanu, pagu pagu axedu de mela e sali cantu ti praxit. Amestura beni, aciungi perdusèmini picau a finu e serbi.
Po no èssere pitziosu meda, antis de dd'impreari, poneddu a bàngiu in su lati po un'ora.
Patata
Cumenti scioberari sa calidadi de patata? De calisiat colori po cumprendiri cumenti dda depis impreari, ponedda in d-unu cadinu cun acua e sali meda, chi abarrant a pillu funt po intzalada, desinunca funt po forru o purea.
Tamata
Po ddas spilloncari sena problemas, poneddas antis in acua buddendi unu minutu e luegus in acua frida.