Pingiada de lobina
Ingredientis po 4 personis:
600 gramus de lobina
250 gramus de càmbara manna
1 fenugu
1 cibudda
1 cullera de ollu ermanu
250 gramus de patata noa
1/2 lituru de brodu de pisci
3 titulas de allu
4 cullereddas de pàprica
1 spitzulu de pìbiri nieddu
4 cullereddas de cùminu
2 culleras de axedu biancu
2 culleras de coriandulu friscu
2 culleras de perdusèmini
Bogandi peddi e lisca a sa lobina e partzidda in arrogheddus, arretirandi sa conca a sa càmbara e fadeddi una tacchedda in sa schina.
Amestura in d-una latiera s'allu, sa pàprica, su pìbiri, su cuminu, s'axedu biancu, su coriandulu e su perdusèmini picaus. Colloca lobina e càmbara in duus pratus diferentis e arròsia cun su scabèciu, amonta cun paperi de allumìniu e lassa arreposari in frigoriferu po 2 oras.
Fai friere in ollu, po 2 minutus, sa cibudda picada e aciungi su fenugu a incodeddus. Aciungi sa patata partzia a metadi e su brodu, fai coere po unu cuartu de ora.
Aciungi su pisci, sa càmbara, totu su scabèciu de is duus pratus e fai coere po àterus 5 minutus.
Serbi cuncordau cun titulas de limoni.
(po custu pratu podis imperari finas e s'arrana de mari)
.
2 culleras de perdusèmini, amonta cun paperi de allumìniu e lassa arreposari in frigorif