Ghisau de procu cun tzinnibiri

500 gramus de petza de procu (de sa pala e fata a incodeddus)

10 arrumbullonis de tzinnibiri

1 cibudda

1 pistinaga

1 cambu de àpiu

farra

1 tassa manna de vernàcia

allu

ollu de olia

sali

pibiri intreu

Pica a finu sa cibudda, sa pistinaga e s'àpiu e fai arrùbiari, in 3 culleras de ollu de olia, paris una titula de allu intrea. Infarra is incodeddus de petza e aciungi in sa cassarola, poni sali e fai sbentiari mesu tassa de vernàcia; aciungi su tzinnibiri e su pibiri intreu e fai pigari sabori po una pariga de minutus. Aciungi s'àtera mitadi de vernàcia, acrobeca e fai coere a fogu sulenu po 20 minutus, dona atentzioni chi no s'asciutit, chi serbit aciungi àtera vernàcia; chi a s'imbessi ddu at suci meda, scrobeca e fai spaciari sa bànnia finas a sa cunsistèntzia agradèssia. Ddu podis serbiri acumpangiau de patata buddia insaboria cun butirru e folliteddas de abuleu.

#abuleu #ghisau #procu #petza #ricettesarde #carnesarda #tzinnibiri