Bacalliari cun patata

Ingredientis po 6 personis

800 gramus de bacalliari amoddiau*

2 cibuddas

ollu de olia

200 gramus de tomatedda madura

1/2 chilu de patata

4 titulas de allu

1 tassa de binu biancu

1 sachiteddu de tzafaranu

1 matziteddu de perdusemini

sali

In d-una cassarola lada poni a arrùbiari, in ollu de olia, sa cibudda picada a fini, s'allu spilloncau e intreu, sa tomatedda scroxàda antis, su tzafaranu e su binu, po ùrtimu aciungi una mesu tassa de àcua.

Aciungi su bacalliari a incodeddus no tropu piticus, sa patata fata in cuaturu, spaina mesu cocerinu de sali, chi ti praxit e s'ora de pònniri puru unu pagu de pibireddu pitziosu, e tupa. Fai coere a fogu sulenu po unus 40 minutus. Po amesturari, movi sa cassarola aciependidda a is manigus, no imperis sa turra, aici pisci e patata abarrant intreus.

Antis de serbiri spàina in pitzus unu matziteddu de perdusemini picau fini-fini.

*Po amoddiari su bacalliari:

- cun d-una strìgiula bogandi sa primu capa de sali

- sciacua beni cun dilicadesa

- poni su pisci in d-una bànniera manna prena de àcua frida e lassaddu amoddiai po 24 oras cambiende s'àcua dònnia 8 oras

- chi su pisci est a pilloncu, imoi est s'ora de ndi ddu bogari chi bolis, bastat a tirai aguantendi su pisci a s'àteru ladu

- partzi su bacalliari in duos e cussus puru partziddus, aici perdint antis su sali

- torra a ponni a amoddiari in àcua limpia po àteras 24 oras

- chi su pisci est mannu serbint in totu 36 oras amoddiende

#bacalliari #baccalà #merluzzo #ricettesarde #pesce #pisci