Calamaru (a cruu) cun ollestincu
Ingredientis po 4 personis
1chilu de calamaru mannu
ollestincu
sùci de limoni
farra de tomata
sali e pìbiri
latiedda e ous de salmoni (o butariga) po cuncordari
Sciacua beni beni su calamaru, bogandi su sachitu cun sa tinta, s'ossu, is ogus e su bicu, arretirandi finas e sa peddi strigiulendi cun àcua frisca. Segaddu a longu a incodeddus de 2 cm, poneddu in d-una latiera e cundeddu cun sali, pibiri e farra de tomata (sa farra de tomata dda otenes fendi sicari su croxu de tomata -biologica- e a pustis dda acapulas). Sterri in sa mesa unu follu mannu de pillu trasparenti e colloca in pitzus, beni assètiadas, is tiras de calamaru. Imboddica su pillu a sartitzu e crosa. Poni in cungeladori po ddu incirdinari (sa temperadura ndi depet calari a 18°) assumancu po 45 minutus. Peristanti prepara sa bànnia: poni su sùci de unu limoni e aterutanti de ollestincu in d-una latieredda e pista cun d-una frochita. Bogandi su sartitzu de calamaru de su cungeladori, arretira su pillu trasparenti e afita a finu. Cuncorda su calamaru in d-unu pratu, cundi cun sa bànnia de ollestincu, is ous de salmoni (o sa butariga), s'insaladedda a folla minuda e serbi.