Sirboni a sa manera de monti

po 6 personis

1 chilu de coscia de sirboni

olia niedda

allu

perdusèmini

cibudda

arrùllonis de tzinnibiri

2/3 follas de lau

tzipiri

1 pistinaga

àpiu

pèrsiga

1/4 de litru de binu arrùbiu

pibireddu pitziosu

ollu de olia

Sega a incodeddus sa prupa de sirboni e ponedda a bangiu po 2 oras in su binu (chi as a scioberai asciutu beni); aciungi a su bàngiu duas titulas de allu strecadas, una manadedda de perdusèmini picau, 2 follas de lau, una dexena de arrùllonis de tzinnibiri, una pistinaga e una costa de àpiu picaus, su tzipiri e unu spitzulu de pèrsiga.

Pica a finu una cibudda e fadidda friri cun 3 culleras de ollu de olia, in d-una cassarola de terra.

Bogandi s'allu e aciungi sa petza a su bàngiu de binu. Fai coere a sullenu finas a candu su binu si spàciat a pusti dona sabori cun d-unu pibireddu e gheta sali. Aciungi una tassa de acua callenti e sighi a coere po un'ora. Scola is incodeddus de petza e passa in su sedatzu sa bànnia de cotura. Torra a ponnere totu in su fogu, aciungi una tassa de olia niedda sciacuada e sighi a coere po 10 minutus.

Serbi su sirboni in sa cassarola innui dd'as cotu.

Podis acumpàngiari su sirboni cun fitas de pulenta arrostia, patata noedda buddia, cauli arrùbiu cotu a vapori o pira partzia a mitadi e cota a vapori.

#sirboni #coxina #sarda #petza