Scropula a cassola

Ingredientis po 5 personis

1 scropula de 2 chilus

1 cibudda

1 pibireddu arrùbiu

allu e perdusemini

1 tomatiga

250 gramus de pisurci

2 chilus de patata

1 tassa de binu biancu

tzafaranu

ollu de olia

sali

Sciacua, scata e smatza su pisci, partziddu in incodeddus de 3 centimetrus de grussu e poneddi sali.

In d-una cassarola pone ollu de olia e fai arrubiari sa cibudda, su pibireddu, s'allu e su perdusemini picaus, e sa tomatiga; candu est fatu aciungi su pisurci e su tzafaranu, e sa patata afitada in arrodeddas de mesu centimentru de grussu, aciungi mesu tassa de acua e lassa coere. Candu sa patata est a mesu cotura, pone in pitzus su pisci, paris sa tassa de binu biancu, pone su crobecu e lassa coere.

Po custa riceta podis imperari àterus piscis puru: su merlutzu, su bacalliari, su corbàlliu.

#scropula #pisci #ricettesarde #pesce #cucinasarda